नेपाली हास्यव्यङ्ग्य अनलाइन पत्रिका

बिमान खाए
अल्कत्रा खाए
गर्नु काम गरी सके
भन प्रभु के काम दिऊँ
शब्द पनि छैनन् अब
भन प्रभु कुन नाम दिऊँ ।

भ्रष्टचारी भनी सके
अत्याचारी पनि भनी सके
हत्यारा लुटेरा
बलात्कारी पनि बनी सके
गर्नु पर्ने काम सबै गरी सके
भन प्रभु कुन काम दिऊँ
शब्दकोशमै छैनन शब्द
भन प्रभु कुन नाम दिऊँ ।

सड्क पुल पनि खाइ सके
बालुवा गिट्टी पनि चपाइ सके
सहिदको कोटामा होस् कि
दहितको कोटामा होस्
देश विदेश गएर आइ सके
पाउने विशेषण पाइ सके
भन प्रभु यिनलाई कुन काम दिऊँ
नालायक खलनायक पनि छैन अब
भन प्रभु कुन नाम दिऊँ ।

नेपाल पुत्रहरू मरुभूमिमा लडिरहेका छन्
कसैको लास उतै महिनौ सडिरहेका छन्
उनैका पैसोमा कोही
विदेश सयर जाँदैछन्
उनैको धन कोही
कमिसन मिलाउदै खाँदै छन्
गर्नुसम्म सबै गरी सके
भन प्रभु अब कुन काम दिऊँ
जुको, उडुस, मच्छेर सबै भइ सके
भन प्रभु कुन नाम दिऊँ ।
दाङ, हाल काठमाडौं