नेपाली हास्यव्यङ्ग्य अनलाइन पत्रिका

आयो आयो मन्त्री आयो
कति लामो पुच्छर ल्यायो
देश त खायो खायो
हात लम्काउँदै विदेश धायो ।

चटकेले छडी हान्यो
जे जे भन्यो त्यही मान्यो
लाखौँ लाखको खेला जान्यो
दूत व्यापारी सबै तान्यो ।

हेरौँ अब के के तार्यो
आधी जस्तो पुच्छर झार्यो
जोकरहरू वरिपरी
चाप्लुसी र चाकरी ।

आउने पाउने देखायो
खाँदै ख्वाउँदै घुमायो
के के नशा पिलायो
के तालले मन्त्री मिलायो ।

यता उता र्याङ ठ्याङ
पैसै पैसा छ्याङ छ्याङ
ल्याउने लाने खुलायो
थपडीवालालाई भुलायो ।

देश विदेश तिन्कै भो
धुर्त्याईं दाउपेच फन्कै भो
मन्त्रीले खबर पठायो
चटकेले पगरी लगायो ।
उपाध्यक्ष, अनेसास लस् एन्जेलस् च्याप्टर