नेपाली हास्यव्यङ्ग्य अनलाइन पत्रिका

१. लिडर र सिलिण्डर

समाज हाँक्न एक दृढ निश्चयी लिडर भए पुग्छ
जताततै यसको उदाहरण साकार छ
खाना पकाउन एक सिंलिण्डर भए पुग्छ
सस्तो महँगो जस्तो भए पनि स्विकार छ
तर अचेल हाम्रो ग्रह–गोचर बिग्रेर नै होला
न त हामीलाई लिडर भेट्छ
न त सिलिण्डर भेटछ !!

२. गरिबी निवारण

गरिबी निवारण कोषको दुरुपयोग भएको भनि
सञ्चार माध्यममा जब भयो समाचार प्रसारण
घटनाको अन्वेषण गरि पता लगाइयो सत्य कारण
‘गरिब’को सट्टा आफ्नो गरिबी गर्छु निवारण
शपथ लिने बेला उहाँले प्रष्ट गर्नु भयो उच्चारण
भनेको नै गर्दा फेरि किन गरिँदैछ हल्ला अकारण ?!
विराटनगर