नेपाली हास्यव्यङ्ग्य अनलाइन पत्रिका

परीक्षा पास गर्न
विद्यार्थीलाई नम्बर चाहियो
जीवन चलाउन
ममजदुरलाई अम्बर चाहियो ।

अरू अरू पनि चाहिने कुरा धेरै छन्–
शिक्षकलाई भत्ता चाहियो
नेतालाई सत्ता चाहियो
जनतालाई ग्याँस चाहियो
कर्मचारीलाई घूस चाहियो
कुखुरा पाल्नेलाई भुस चाहियो ।

अन्तअरू त कुरै छाडौं–
पुलिस र आर्मीलाई तेल चाहियो
टाठाबाठालाई शेयर चाहियो
सरकारलाई कर चाहियो
बत्ति नदिए पनि प्राधिकरणलाई शुल्क चाहियो

नेटवर्क टिपोस् नटिपोस्
टेलिकमलाई महसुल चाहियो
जमाना बदलिएको छ
प्राय सबैलाई मात्ने झोल चाहियो
बजाउनै पर्छ बजाऊ
बजाउनलाई ढोल चाहियो ।

यो त पेलमपेलको आधुनिक युग हो
तर के गर्नु ? तेल पेल्न कोल चाहियो
मोल नभई के काम हुन्छ र हजुर
मोल भनेको नि पैसा नै हो
जे जसरी होस्– सबैलाई पैसै चाहियो
तर चाहियो भनेर कहाँ पाइयो ??
काठमाडौं