नेपाली हास्यव्यङ्ग्य अनलाइन पत्रिका

एउटा बस काउन्टरमा टिकट काट्ने मान्छे काउन्टरमा टिकट काट्ने काम अर्को नयाँ मान्छेलाई सिकाइरहेको छ– कोही मान्छे आइ कहाँकहाँको टिकट पाइन्छ भनी सोधे काँकडभिट्टा, चन्द्रनिगाहपुर, इटहरी भन्नु । कत्ति पैसा भनि सोधे ७५०, ३००, ६०० भनी बताउनू, छुट हुन्छ कि हुँदैन भनी सोध्यो भने, माथिको आदेश आए हुन्छ भन्नू, सिट रोकिदिनु होला भन्यो भने पूरै पैसा छोडिराख्न भन्नू । यत्ति कुरा सिकाए सिकाउने चाहिँ हिँडेछ ।
यत्तिकैमा एउटा बटुवा त्यहाँ आइपुग्यो ।

बटुवा– ए दाइ ! बालाजु जाने बाटो कता पर्छ ?
काउन्टरवाला– काँकडभिट्टा, चन्द्रनिगाहपुर, इटहरी
बटुवा– बालाजु कुन जिल्लामा पर्छ ?
काउन्टरवाला– ७५०, ३००, ६००
बटुवा– मैले एउटा ठूलो अपराध गरेको छु हुन्छ कि हुँदैन ?
काउन्टरवाला– माथिको आदेश आए हुन्छ ।
बटुवा– माफ माग्न पाइन्छ कि पाइँदैन ?
काउन्टर– पूरै पैसा छोडी राख्नू ।

–सम्झना पौड्याल
पिपल्स एकेडेमी– सीतापाइला, काठमाडौँ