नेपाली हास्यव्यङ्ग्य अनलाइन पत्रिका

सत्ताधारी दल सब हुँदा, निर्दलै आउँला कि ?
चिन्ता गर्द्यौ, बुझ जन यहाँ, हुन्न बस्नै डराई ।
ठूला विश्लेषक बुझकले, ब्रम्ह खोलेर बोल
स्याल हुइँ्यामा, नहिँड बुझ हो, प्राज्ञको हुन्छ रोल ।।१।।

मिल्नेजुल्ने, निहुँ गरी यहाँ, लोकको तन्त्र ढल्ला ?
सत्ताधारी, दल सब बने, के प्रजातन्त्र फल्ला ?
सत्ता गल्ती, हरदम गरी, क्रूर राणा बनेमा
कल्ले रोक्ने, जनहक थिचे, अव्यवस्था खनेमा ।।२।।

रोक्ने छेक्ने सबल दल नै, शून्यमा शून्य बन्दा
स्वेच्छाचारी, दमन पथमा, देश पर्नेछ फन्दा ।
सत्ता हाँक्दा त्रुटिभुल बढे, हुन्छ जागा विरोधी
हाँक्ने छेक्ने, दुई थरी हुँदा, हुन्न कोही अघोरी ।।३।।

यै हो चोखो, नियम जनको तन्त्रको सार हार
नेता विश्लेषक बुझ यहाँ, द्वन्द्वलाई निखार ।
त्यत्रा आन्दोलन सहिदका, त्याग मर्ला विचार
हाँक्ने जाँच्ने पथहरू दुबै, बाँच्न द्यौ निर्विवाद ।।४।।
धादिङ