नेपाली हास्यव्यङ्ग्य अनलाइन पत्रिका

पहुँच हुनेहरू विशेष लागे
ऋण पैँचो भेट्ने विदेश लागे
बाँकी भुस्याहा कुकुर र गल्ली रह्यो
ऊ त्यसै हल्लिरह्यो ।

होला कि भनि मन्त्रीकाँ धायो
वैदेशिक रोजगारी अफिस पछ्यायो
अहँ, बिटाकै कुरोमा डल्लिरह्यो
ऊ त्यसै हल्लिरह्यो ।

पत्रिकामा सप्पै विज्ञापन हेर्यो
पार्टीले धोका दिएपछि पार्टी फेर्यो
अब खालि तनावले दुखेको चल्ली रह्यो
ऊ त्यसै हल्लिरह्यो ।

आन्दोलन गर्नेको हूलमा गयो
सत्ताधारीको भाषणको भुलमा गयो
जता गए पनि केवल हल्लीखल्ली रह्यो
ऊ त्यसै हल्लिरह्यो ।
उपाध्यक्ष, अनेसास लस एन्जेलस च्याप्टर