काशीनाथ मिश्रितदेशद्रोही
(आखिर सबै देश मार्ने पक्षमा रहेपछि म पो किन चोखो रहुँ र !देशप्रेमी हुनुमा गौरव गर्ने ठाउँ भए पो !!!)
एउटा डि.भी. गतिलो पारौँ न देशलाई
छिट्टै अमेरिकामा सारौँ न देशलाई ।
ओढेर नक्कली खोल बन्नु परयो नयाँ के ?
बैतरणीदेखि चाँडै तारौँ न देशलाई ।
हामी जितेर के भो हार्दैछ देशले नै !
च्याँखे दिई जुवामा हारौँ न देशलाई ।
ताला छ द्वारमा यो, चाबी उतै उतै छन्
को सक्छ खोल्न आऊ ? उघारौँ न देशलाई ।
सुस्ता मिचीरहेछन् यस्तै कति कति छन्
कोही नभन्नु होला बारौँ न देशलाई ।
बाँझो जमीन छोडी, निर्जीव तुल्य पारी ।
के काम भो र, आजै मारौँ न देशलाई ।
बम्घा, गुल्मी
