नेपाली हास्यव्यङ्ग्य अनलाइन पत्रिका

यो देशलाई सिङ्गापुर बनाइ दिन्छु
यो देशलाई कोलालम्पुर बनाइ दिन्छु
चौराहमा एक बृद्ध बोल्दैथे
सायद पिसाबले च्यापेको रहेछ
सुरुवाल पनि खोल्दै थे
मान्छेले भन्दै थे
कहाँबाट आका हुन् यी नौलो मान्छे
पक्कै नेता हुनुपर्छ,
बिचरा बौलाह मान्छे ।

बिच सडकमा
एउटा अधबैँसे
भाषण ठोक्दैथ्यो
राम्रै कुरा पोख्दैथ्यो
भ्रष्टाचार मुक्त बनाउँछु देश
शिष्टाचार युक्त बनाउछु देश
मान्छेले कुरा सुन्दै थे
तर पनि भन्दैथे
को हुन् यी नौला मान्छे
कहाँका हुन् ! बिचरा बौलाह मान्छे ।

एक जना
सुरुवाल भोटीमा लाएका
ढाका टोपीमा आएका
चोकमा भाषण गर्दैथे
मान्छे पनि हेर्दैथे
यो देशलाई टुक्रिन दिन्न
राष्टघातीलाई डुक्रिन दिन्न
राष्ट्रिय एकता जिन्दावाद
बिदेशी हस्तछेप मुर्दावाद ।
मान्छे ठाडाठाडा कान पार्दैथे
मुखा मुख गर्दैथे
कहाँबाट आए यी नौला मान्छे
कुरा त राम्रै गर्दा रहेछन्
को रहेछन् यी
बिचरा बौलाह मान्छे ।
दाङ, हाल– काठमाडौं