नेपाली हास्यव्यङ्ग्य अनलाइन पत्रिका

ठुलाघरे काका
काका नि के भन्नु ‘डाका’
हाम्रा स्वाभिमानमाथि
सधैं यिनका गिद्धे आँखा
ठुलाघरे काका । १

हाम्रा आफ्नै भाइहरू
यादव, महतो र ठाकुरहरू पनि कति साखुल्य भा’का
किन घरमा आगो लगाएर दमकल माग्न गा’का
त्यै भएर त काकाले नि मौका पा’का
र भाइ भाइ लडाउन आ’का
ठुलाघरे काका । २

हुन त हाम्रा दाइहरूले पैल्यै आचि खा’का
एउटाले अर्काको जम्मै कुरा ला’का
काकाको पाउमै आफ्ना शिर चढा’का
त्यै भएर काकाले हाम्रा कमजोरी था’ पा’का
र ऐले हामीलाई कजा’का
ठुलाघरे काका । ३

हामी नुन तेलसँग स्वाभिमान साट्दैनौ
भन्ने कुरा कति था’ नपा’का
कि छन हाम्रा दाइहरूले अझै केहि कुराहरू लुका’का
होइन भने हेप्नुको नि हद हुन्छ नि गाँठे !
कस्ता कस्ता सर्त ले’र आ’का
कहिँ नभा’का, मापाका
ठुलाघरे काका । ४

यस्तो काम त पैला पनि भा’को हो एकताका
बन्द गरेकै हुन काकाले आफ्ना नाका
अचम्म छ बा ! सधैं एउटै भाका
हामी लुक्न नजान्ने, झुक्न नमान्ने
अमरसिंका सन्तान हौँ भन्ने कुरा
यिनले बिर्सेका कि बुझ पचा’का
कस्ता डाका ! ठुलाघरे काका । ५

हेटौंडा– ४, मकवानपुर