नेपाली हास्यव्यङ्ग्य अनलाइन पत्रिका

कहिले दाँया त कहिले बाँया
पटक पटक खुम्चियो मेरो देश
सीमानामा हम्मर र छिनोले
खोपी खोपी मिचियो मेरो देश
गोलभेंडा झै मिक्चरमा
थिलथिलो भो मेरो देश
जातिय र सीमांकनमा
कयौ पटक रूमल्लियो मेरो देश
सोझा साझा नेपालीलाई
प्राणप्रिय भो मेरो देश
कुख्यात छक्का नेताहरूलाई
चौका हान्ने पिच भो मेरो देश
स्वर्ग जस्तो बगैचामा
गौतमबुद्द र भृकुटी जन्मने मेरो देश
मानवहरूका खोलमा नरभक्षि
कपूत भित्र्याउने मेरो देश
जन्मदिने आमालाई बेचेर
सौतेनीआमा खोज्ने नेता जन्माउने मेरो देश ।

काठमाडौं