नेपाली हास्यव्यङ्ग्य अनलाइन पत्रिका

आफूसँग के छ मतलब छैन उसलाई
सानो कुरा अरूको चासो पनि उसैलाई
हातमा दीयो लिइ गाँउ गाँउ घुमेर
आगो मागेर ल्याउनुपर्ने उसलाई
प्राण भन्दा प्रिय ठान्ने आफन्तलाई छोडी
फुटपाथमा मायाको भिख माग्नुपर्ने उसलाई
घरमा जसको काम छैन
राम्रो लाउने र मीठो खानुपर्ने उसलाई
माया गर्नेलाई वास्तै छैन
मुन्टो बटारी हिड्नु पर्ने उसलाई
भुकम्पले हल्लिएको मतलब छैन
रूवाउनु पर्ने अरूलाई
आफ्नो त टुङ्गो कुनै छैन
कुराउनु पर्ने उसलाई
दिन त यसै बितिहाल्छ
रातमा कुर्छु त्यो पराईलाई
उसले जे सोचे पनि
मुरी मुरी माया त्यै निष्ठुरीलाई ।

काठमाडौंं