नेपाली हास्यव्यङ्ग्य अनलाइन पत्रिका

पत्रकारहरूलाई
खबर भयो
आफ्नैमात्र मुटु
चर चर भयो
जब मैले
पत्रकार सम्मेलन गराएँ
अन्ततः पत्रकारकै
अनुहारबाट हराएँ

कुरा कोट्याउनेलाई
चासो भयो
ल खुचिङ भन्नेलाई
हाँसो भयो
फेसबुक ट्वीटरमा
यो के देखेँ
आफ्नै हुन् भन्नेले
के के लेखे !

त्यो शक्ति त्यो सङ्घर्ष
पार्टीमै छोडेँ
त्यो गुट त्यो पदसँग
नाता तोडेँ
पार्टी कार्यालय र झण्डा छोडी
लुरूलुरू गएँ
जब म पार्टीबाट
अलग भएँ ।

इन्जिनियर एवम् उपाध्यक्ष, अनेसास लस एन्जेलस च्याप्टर