नेपाली हास्यव्यङ्ग्य अनलाइन पत्रिका

नेपाल अमेरिकन मैत्री संघ, म्याडिसन, विस्कनसिनले हरेक वर्ष गर्ने ‘विजय मल्ल साहित्य साँझ’ कार्यक्रममा यस बर्ष कविता प्रतियोगितासँगै सन्तोष लामिछानेद्वारा लिखित ‘चामल खानेहरू र चौलानी पिउनेहरू’ को विमोचन पनि भएको छ । कविता सङ्ग्रह ‘जनमत प्रकाशन’ काभ्रे, नेपालबाट प्रकाशित भएको हो । सङ्ग्रहमा वरिष्ठ साहित्यकार रामप्रसाद ज्ञवालीको भूमिका तथा समालोचना पनि समेटिएको छ ।

कविकी आमा भवानी लामिछाने र लोक गायक । हlरण्य भोजपुरेले संयुक्त रुपमा उक्त कृतिको विमोचन गर्नुभएको थियो । कार्यक्रमको अध्यक्षता मैत्री संघका अध्यक्ष पूर्ण श्रेष्ठले गर्नु भएको थियो भने कार्यक्रममा साहित्यकर दिनार रनादीले लेखकको परिचय दिनु भएको थियो । त्यसैगरी साहित्यकार राजेन्द्र अर्यालले ‘चामल खानेहरू र चौलानी पिउनेहरू’ को समीक्षा गर्नु भएको थियो । कार्यक्रमको संयोजन तथा सञ्चालन आविष्कार भारतीले र बाल कविता प्रतियोगिताको सञ्चालन चाहिँ इशान लुइँटेलले गर्नु भएको थियो ।

कार्यक्रममा हिरण्य भोजपुरेसँगै उहाँका सहकर्मी तथा जीवन सँगिनी उर्मिला श्रेष्ठको लोकगीत पनि समावेस थियो । कार्यक्रममा बालकविता प्रतियोगिता र नियमित कविता प्रतियोगितामा राम्रा राम्रा कविता बाचन गरिएको थियो । थुप्रै अप्रतियोगी कविता पनि कार्यक्रममा समावेश थिए ।