रातारात !
कसरी यो जंगे–खम्बा सर्यो रातारात ?
आफ्नो बास विदेशमा पर्यो रातारात !
अघिपछि नेताजीका नाराहरूभित्र
उर्लिन्थ्यो त राष्ट्रियता ! मर्यो रातारात ?
१.
पक्की बाँध सिमानामै उँभ्यो रातारात,
घर–छाप्रा, खेती–बाली डुब्यो रातारात !
सुनिँदैन विरोधको सोर कतै चर्को
ठुलेछेउ स्वाभिमान गुम्यो रातारात ?
२.
देशभित्रै शरणार्थी भयो रातारात !
कि त रुँदै सीमा काटी गयो रातारात !
बाँच्न खोज्दा मर्नुपर्ने नियति यो कस्तो ?
अशान्तिले सीमा नाघिसक्यो रातारात !
३.
‘भाइ’ भन्दै छिमेकीले मार्यो रातारात
जानीजानी संकष्टमा पार्यो रातारात
हाम्रा आफ्नै बन्धुलाई उचालेर पूरै
हाकाहाकी खुसी सबै दार्यो रातारात !
४.
दाङ