पुरूषाेत्तम सिग्देलउत्ताउलो हुरी चल्यो
आज फेरि घरभित्र अविश्वासको छुरी चल्यो
जसलाई आफ्नो सम्झेको थेँ उसैसँग दुरी बढ्यो ।
झुन्डेको छ देश अहिले भिरमा सिस्नु समातेर
अझै तलै धसाउन उसकै चुरिफुरी चल्यो ।
कालो बादल उठेको छ छानो टाल्ने छोरो छैन
आफ्नै घर भत्काउन उसको पाखुरी चल्यो ।
बल्ल आशा जागेकोथ्यो बत्ती बल्यो चेतनाको
जोगाउने कसरी हो उत्ताउलो हुरी चल्यो ।
हेटौडा, २०७२/१०/२१
Subscribe
Login
0 Comments
Oldest
