नेपाली हास्यव्यङ्ग्य अनलाइन पत्रिका

कवि तथा गीतकार किशोर घिमिरेले रचना गरेका आधुनिक गीतहरूको एल्बम ‘बहुमूल्य मधुर सम्झना’ तथा कविता सङ्ग्रह ‘एक हरफ जिन्दगी’ काठमाडौंमा विमोचन भएको छ ।

रूसी सांसकृतिक केन्द्रमा नेपाल संगीत नाट्य प्रज्ञा प्रतिष्ठानका कुलपति सरुभक्त श्रेष्ठ, कवि रत्नशमसेर थापा, चलचित्रकर्मी यादव खरेल तथा गीतकार एवं कवि दिनेश अधिकारीले संयुक्त रूपमा एल्बम र सङ्ग्रह विमोचन गरिएको हो ।

‘एक हरफ जिन्दगी’मा कुल ६६ वटा कविता समावेश गरिएका छन् भने बहुमूल्य मधुर सम्झना नामक एल्बममा छ वटा गीत राखिएका छन् । एल्बमका गीतहरूमा अनिल सिंहको स्वर तथा सङ्गीत रहेको छ । कार्यक्रममा युवा कवि घिमिरेलाई आशिर्वाद तथा शुभकामना दिँदै कवि दिनेश अधिकारीले कविता र गीतको क्षेत्रमा किशोर अगाडि बढ्दै जानु पर्ने बताए । चलचित्रकर्मी यादव खरेलले किशोरको पारिवारिक पृष्ठभूमि नै काव्यात्मक भएकोले उनले बाँसको झ्याङ्गमा उत्कृष्ट बाँस भएर उभिनु पर्ने सुझाव दिए ।
प्रस्तुतिः अरुण नदी खत्री