नेपाली हास्यव्यङ्ग्य अनलाइन पत्रिका

मौका परे भेट्न आउँछे
नभ्याएमा मिसकल गर्छे
केही समय फोन नगरे
एसएमएस नै पठाउँछे ।

सपिङ् गर्न भनी भनी
डेटिङ टाईम मिलाउँछे
डेटिङ गयो खल्ती मेरो रित्याउँछे
अनुहारमा के के जाति पाउडर अनि
ओठमा लिपिस्टिक लगाउँछे ।

मृगनयनी त्यो आँखामा भित्र हैन
बाहिरै गाजल अनि आईस्याडो लप्काउँछे
लोडसेडिङमा मोबाईल चार्ज नहुँदा
कौशीमा आई घरी घरी चियाउँछे ।

त्यतै कोही आए भने गमला पो चलाउँछे
फूल गोडेझैं गर्दै माटो खेलाउँछे माटै केलाउँछे
हैन भने गाला राता राता पार्दै
घोसे मुन्टो लगाउँछे ।

म त आफै आजित भैसकें
यो कस्तो एकतर्फी हेराइ हो ?
मैले त मेरो मुख देखाउनै हुन्न,
उसको बाबुको ठाडो हुन्छ केश
उसकै छोरी तरूनी
हामीलाई के को दोष ?

काठमाडौं