नेपाली हास्यव्यङ्ग्य अनलाइन पत्रिका

कुनै बेला
हवाईजहाज चढेर विदेश जाने
यो एउटा मात्र प्रबेशद्वार थियो
नेपालबाट बिदेश जान
वा बिदेशबाट नेपाल आउन
केही समय दिल्ली ट्रान्जिटमा
बस्नै पर्ने हुन्थ्यो,
पहिल्यै सुरक्षा जांच भइसकेका
सामानहरू र
शरीरका संवेदनशील अंगहरू
दिल्लीमा चेक हुने गर्थ्यो
अहिले त
नेपालबाट भित्र बाहिर गर्ने
अरु पनि विकल्पहरू छन
नयाँ ट्रान्जिट शहरहरू छन
तर दिल्लीको प्रभाब घटेको छैन
दिल्लीको दबाब कटेको छैन
नेपालीको जीवनको बाटो
छेकेर बसेको छ दिल्ली
नेपालबाट नेपाल आउने (जाने
कुनै पनि बाटोको
एक मात्र प्रबेशद्वार
भएको छ दिल्ली,
जस्तै
सिंहदरबार जानु र आउनु अघि
अनिवार्य ट्रान्जिट स्टेसन
भएको छ दिल्ली ।

काठमाडौं