नेपाली हास्यव्यङ्ग्य अनलाइन पत्रिका

एक पटक
काम विशेषले
साइकलमा जाँदैथेँ
पानी पर्ला कि भनी
साथमा छाता पनि लाँदैथेँ
बाटोमा पुगेपछि
पानी पनि झ्याम्म पर्यो
छाता छँदैथ्यो
छोरोले झ्याप्प छाता ओड्यो
साइकल पनि मोड्यो
छाता ओढेपछि त
कहिले साइकल उता जान्छ
कहिले छाताले यता तान्छ
साइकल अठ्याउँदा छाता ढल्ने
छाता अठ्याउँदा साइकल नचल्ने
यस्तै गर्दै जाँदा
साइकलले ढुङ्गामा ठोक्यो
उफ्रिएर आफ्नो तालुले पनि
मज्जाले भित्तालाई ढोक्यो
कहिले छाता खोली साइकल चढियो
कहिले साइकल डोर्याइ छाता ओढियो
न छाताले थाम्यो
न साइकलले थाम्यो
निथ्रुक्क भिजेपछि
यो ज्यान त थरथरी काम्यो
काम विशेष छोडी
घरतिर फर्कियो
के फर्केको मात्र थेँ
पानी एकछिनमै तर्कियो ।

दाङ, हाल  : काठमाडौं