नेपाली हास्यव्यङ्ग्य अनलाइन पत्रिका

चन्दा, चोर र चक्रव्यूह, चतुरा, चम्चाहरूले चुसी
चासो,चिन्तन,चाख,चेत चुप छन् चाँडै चल्यो चाप्लुसी ।
चौडा चोक चिनेर चिन्तित हुँदै चाहे चलून् चालक
चल्ने चाट, चना, चुरोट र चिया, चुस्की र चन्दा चक ।।

चल्ने, चर्च, चरेस, चोक र चिनी, चौका, चुलो चामल
चोली, चर्म र चुम्बकीय गुणको, चर्चा चले चञ्चल ।
चोखो चन्दन, चन्द्रमा चहकिलो, चाञ्चल्य त्यो चाखको
चर्चा चल्दछ चारुको र चरुको चार्वाक, चाणक्यको ।।

चुट्की, चङ्गुल,चाकरी, चतुरता, चन्दा र चम्चेपन
चारो चाख्न चटक्क चातक चल्यो चिन्ता चिता चिन्तन ।
चोला चोट,चरित्र,चाख, चुलिई चारो चराझैकक छल्यो
‘चम्चावाद’ र चाकरीपन चली चोरेर चर्खा चल्यो ।।

सुर्खेत