खगेन्द्र नेउपानेभव्य कार्यक्रम
मञ्चभरि अतिथि
श्रोता चाहिँ ऊ र म {{read_more}}
उनको कार्यक्रम
उनै प्रमुख अतिथि
विशिष्ट अतिथि विशेष अतिथि
उनकै बाबुको सराद्धे
उनकै भोज उनै भोक्ता
श्रोता चाहिँ ऊ र म ।
वैरागी सङ्गठन अनुरागी सङ्गठन
जेठा सङ्गठन कान्छा सङ्गठन
तास सङ्गठन उपहास सङ्गठन
आदि आदि मञ्चभरि अतिथि
श्रोता चाहिँ ऊ र म ।
भित्र धेरै बिल्लाहरू
बाहिर धेरै गिल्लाहरू
अरुलाई च्यालेन्ज
विद्वान् पनि उनै, वरिष्ट पनि उनै
धाक पनि उनै रवाफ पनि उनै
कस्तो भव्य कार्यक्रम
बितरणै बितरण
प्रमाण पत्रमा ठेलमठेल हस्ताक्षरहरू
मादल पनि उनकै डम्फू पनि उनकै
श्रोता चाहिँ ऊ र म ।
झापा
