नेपाली हास्यव्यङ्ग्य अनलाइन पत्रिका

मजदुरले  म्यानेजरलाई भन्यो–
बिहानै आउँदिन म आठ बजे,
के गरूँ ? {{read_more}}
बिहानै चलाउँछु रिक्सा
तलबले नभ्याएर !

म्यानेजरले भन्यो– 
उसो भए मलाई
तिम्रो रिक्सामा बिहानै
पुर्याइदेउ पत्रिका पसल ।
के गरूँ ? 
बिहानै बेच्छु अखबार,
तलबले नभ्याएर !

दुबैको कुरा चूपचाप
सुनिरहेको उद्योगीले
आँसु चुहाउँदै भन्यो–
कमसे कम नास्ता त 
बिहानै गर्न आउनू,
मेरो कचौडीको ठेलामा !
के गरूँ ?
बिहानै बेच्छु कचौडी,
तिमीहरूलाई
तलब दिन नभ्याएर !!

उद्योगीको कुरा सुनेर
मजदूर र म्यानेजर भए बेहोश,
ल भन्नुस् अब–
कसको टाउकोमा थुपार्ने दोष ?
विराटनगर