नेपाली हास्यव्यङ्ग्य अनलाइन पत्रिका

नेपाली मानस जगत फुल खान्थे
फूल सुँग्घ्दथे हर पर्वमा लठ्ठिएर
अङ्ग्रेज जगत फूल हुन्थे मातिएर [[read_more}}
फुल हुन्थे जगतको मायावी नशासँग
अनि खोज्दथे आफ्ना परमेश्वरलाई !

ति हराउँथे खोज्दाखोज्दै अल्लाहका छलमा
अनि ब्रह्माको दारी समात्न पुग्थे कैलाशतिर !

नजिकै देखिएको टावर पनि कति पावरको
उहिलेका कैलाश, ट्रिगिज अनि काराकोरम,
अहिलेका पावरका मुनमा उठेका शिखरहरू
जातभात फाल्थे, छुवाछुत पाल्थे आँधीसँग !

समय समयमा म कहिले नेपाली फुल हुन्थेँ
खान्थे सबैले भेजकरीका रूपमा ब्रेकफास्ट 
समय समयमा म कहिले अङ्ग्रेज फुल बन्थेँ
फुल अप्सनका साथ तात्तिएर सडकहरूमा !

सडकमा पावरफुल हो या फूलपावर ठोकिन्थे 
नश्ल पावरमा फुलटावरका मात चढेका मान्छे !

हिउँदको रात, तुषाराको साथमा सडक थे
सडकभर फुल अप्सनका सडक छापहरू
जिन्दगीका पन्ना गन्ने विपन्न मानिसहरू 
फुल अप्सनमा रहेका मेरा बगैँचाका फूल !

अचेलका टावरका रागमा ध्वनित अप्सनहरू
पावरफुल हुन्थे अनसनका आडम्बर वरिपरि
कथा लुकेका फुल पावरका सभ्य मानिसहरू
टावरमा बहस गर्थे र मात्तिदै देख्थे मायालाई !

सबका सब देख्दथे नजरानाका अधरमा 
मायावी फुल पावर नशामा मानिसहरू

पावर हुनेसँग नजर पनि नजराना पनि दुबै
अप्सनहरू फुल हुन्छन् जतिवेला पनि !

उफ ! ईश्वर पनि फूल मन पराउँदैनन् अचेल
सुनफूलको सजावट अगाडि ।