लक्ष्मण नेवटियादुधमा पानी कि पानीमा दूध
जब दुध विक्रेतालाई मैले भने
तिमी त मोटाएको
अनि दूध किन पातलिएको {{read_more}}
सरकारले दस हजार जरिवाना तोकेछ,
अब दुधमा पानी नमिलाउनु आइन्दा ।
उसले भन्यो– हजुर
दुधमा पानी मिलाउँदा
जरिवाना पनि तिर्नु पर्ने
त्यति खास हुँदैन पनि फायदा
त्यसैले अबदेखि दुधमा पानी होइन
पानीमा दुध मिलाउन
शुरु गरिसकेका छौँ बाकायदा ।
फेरि यो पनि मलाई भन्नुस्
यहाँ सबैले सबैसँग धेरथोर
केही न केही मिलाएको छ
तलदेखि माथिसम्म नमिलाए
सिन्को त भाँच्न पाउँदैन
घरमा त मागेको नपुर्याए
एक कप चिया त खान पाइँदैन ।
मिलाउने तन्त्रमै अडकिएको छ
समाज अहिले
सबैले खिलाएको छ पिलाएको छ
मजाले मिलाएको छ
फेरि किन चिच्याउनु हुन्छ हामीलाई मात्र
ए दुधवाला पानी किन मिलाएको छ ?
विराटनगर
Subscribe
Login
0 Comments
Oldest
