नेपाली हास्यव्यङ्ग्य अनलाइन पत्रिका

कहिले मनमा जे गर्न मन लाग्यो त्यही गर्ने
मनमतिको सरकार
कहिले धमाधम महल, पजेरो र सुरक्षागार्ड ठड्याउने
धनमतिको सरकार
कहिले श्रीमतीको भएभरको मनोकाङ्क्षा पूरा गरिदिने
श्रीमतीको पतिको सरकार
अनि भएर पनि के हुन्छ र ?
राष्ट्रिय सहमतिको सरकार

कहिले देशलाई खण्ड खण्ड पारेर टुक्य्राउन खोज्ने
कुनै जातीको सरकार
कहिले पसिना रगत बगाउनेलाई दबाउने लत्याउने
विकास निर्माण क्षतिको सरकार
कहिले जनताको गरिबी, भोक, अभाव, अशिक्षा भरिएको
जन खतिको सरकार
अनि भएर पनि के हुन्छ र ?
राष्ट्रिय सहमतिको सरकार

कहिले मारकाट हत्या हिंसा गर्ने
भगवतीको सरकार
कहिले देशविदेश रेस्टुरेन्टबार डान्समा रमाउने
छनमतिको सरकार
कहिले रेड लेबल र ब्लाक लेबलको दहमा डुबेको
मन्दगतिको सरकार
अनि भएर पनि के हुन्छ र ?
राष्ट्रिय सहमतिको सरकार ।

लसएन्जेल्स