युवराज भण्डारीझोलेहरू त थाक्दैनन्…
द्रोणाचार्यले दक्षिणामा औँलो मागे एकलव्य भन्दै छ देश बचा भनेर ।
युवराज भण्डारी :
झोलेहरू त थाक्दैनन् नेता भनेर
हाले हुन्थ्यो बरु घाँस खा भनेर !
धरै श्रम गर्छ त्यो इमानदार पशु
भन्न मिल्दैन नेतालाई गधा भनेर ।
द्रोणाचार्यले दक्षिणामा औँलो मागे
एकलव्य भन्दै छ देश बचा भनेर ।
गाउँशहर देशबाटै लखेटिए सन्तति
को भन्दैछ अझै उनलाई बा भनेर ?
सङ्घीयताले प्रदेश बाँच्लान् तर देश
रुन नपरोस् एकादेशको कथा भनेर ।
म पनि तिमी जस्तै एक हरफ हुँ
नहेप है ‘राज’ मलाई मिसरा भनेर ।
०००
तनहूँ
Subscribe
Login
0 Comments
Oldest
