होम सुवेदीचुनावका तीन ठोकान
माउहरूले त आसै नगरे हुन्छ ! बाच्छाबाच्छीको भाग पनि यिनै साँढेले घिच्ने भए ।
१.
आफ्नै गोठको साँढे यसै फाल्न पनि नसकिने भो
खानु पनि कति हो कति घाँस हाल्न पनि नसकिने भो
घाँडो लाएर छाडिदिनु त होला नि !
आफ्ना थलामा बाँध्न र पाल्न पनि नसकिने भो ।।
२.
साँढेहरूले खाँदा खाँदा खोलै सुकाएका छन्
मालेझालेका कुरै छाडौँ नन्दीलाई पनि झुकाएछन्
दाम्लै छिनाउन आँटेपछि के लाग्यो र !
यसै कारण छाडा साँढेलाई मालिकले गोठबाट फुकाएका छन् ।।
३
आपसमा लडाइँ गरेर बाच्छाबाच्छीलाई मिच्ने भए
निर्दोषहरूलाई पनि आपसमा लडेर थिच्ने भए
माउहरूले त आसै नगरे हुन्छ !
बाच्छाबाच्छीको भाग पनि यिनै साँढेले घिच्ने भए ।।
०००
भद्रपुर, झापा
Subscribe
Login
0 Comments
Oldest
