दश हाइकु
कुमारी फूल रस पस्नै नपाई झुसिले किरा । जातीय पीडा देशको अन्धकार कुण्ठित मन ।
१.
मिचाहा देश
विभेदपूर्ण नीति
सुगौली सन्धि ।
२.
ब्रह्म मुहूर्त
एश्वर्य प्राप्त गर्ने
अमृत बेला ।
३
कलिला पात
बलात्कृत गुलाफ
अज्ञात यात्रा ।
४.
जातीय छाल
नवराज र सुस्मा
प्रेम कि युद्ध ?
५.
दूषित वायु
कुवाजस्तै धमिलो
यौन बजार ।
६.
तनको प्रेम
चहर्याएको मन
निभेको ज्योति ।
७.
अब्बल प्रेम
विरोधी हतियार
युगको हत्या ।
८.
कुमारी फूल
रस पस्नै नपाई
झुसिले किरा ।
९.
जातीय पीडा
देशको अन्धकार
कुण्ठित मन ।
१०.
स्वार्थी हत्केला
नवराज नेपाली
प्रेम र हत्या ।
०००
बेलबारी, मोरङ