नेपाली हास्यव्यङ्ग्य अनलाइन पत्रिका

१.
हिर्काउन त मन थियो हातमा घाउ भैदियो
जो हिर्काउनु पर्ने ऊ स्वास्नीको बाउ भैदियो
जाडोले लुगलुग कमाइ मुटु ढुकढुक बनायो
खान लाग्दा मृत्युको खबरले दोधार बनायो ।

२.
जड्याहाको तलब जाँडले बगाएर लग्यो
ऊ भन्थ्यो स्वास्नी जारले भगाएर लग्यो
समय छिपिएपछि यो रात फिक्का लाग्छ
मैले पिएको रक्सी आहा कति ठिक्क लाग्छ ।

३.
बेला बेला निख्रने यो विश्वास कस्तो
थप्न घटाउन मिल्ने यो विश्वास कस्तो
सरकारलाई त आफैंसँग विश्वास छैन भने
म नाथे बबुरोलाई छ विश्वास कस्को ?

०००