पदम भण्डारीद्वन्द्व जन्मिन्छ महलबाट
दोष दिन्छन् मान्छे आजको युग र समयलाई किन ? सायद आफूलाई बचाउँन हुनुपर्छ कपट र छलबाट ।
उम्कन चाहँदैन झिंगो फोहोरको दलदलबाट
मह बन्छ फूलको रसबाट बन्दैन त्यो फलबाट ।१।
कति फरक छ सोच्नुस् त खहरे र महासागरमा
व्यक्तित्व झल्किन्छ दुबैको गहिराई र हलचलबाट ।२।
तारा मण्डल छानो भए नि अन्न एक मानो भए नि
खुशी जन्मिन्छ झुपडीमा द्वन्द्व जन्मिन्छ महलबाट ।३।
कहिल्यै गुनासो गर्दैन चरी भरोसा राख्छ पखेटामा
भोक प्यास मेट्ने गर्छ रूखको टोड्काको जलबाट ।४।
दोष दिन्छन् मान्छे आजको युग र समयलाई किन ?
सायद आफूलाई बचाउँन हुनुपर्छ कपट र छलबाट ।५।
०००
लमजुङ
Subscribe
Login
0 Comments
Oldest
