नेपाली हास्यव्यङ्ग्य अनलाइन पत्रिका

अमर सन्तति :

१.
तिमीहरू त पराइका दास रहेछौ
आफ्नो नभई कसैका खास रहेछौ
व्यर्थै अफवाहको पछि लागिएछ,
बल्ल बुझियो जिउँदा लास रहेछौ ।

२.
कमिसन घुसखोरीको राज जताततै
तस्करी र भ्रष्टाचारको ताज जताततै
चोरलाई चौतारी छ साधुलाई शूली,
देशमा यस्तै चलेको छ काज जताततै ।

३.
ऐँजेरु झैँ पलाएका रैछन् कैयौँ हाङ्गाबिङ्गाहरू
खाइ कहिल्यै नअघाउने रैछन् अगस्ति डिङ्गाहरू
फोहोरको डङ्गुर रैछ सत्ता नामको कुर्सी हजुर
बस्न कति मरिहत्ते गर्छन् सधैँ लोभी झिङ्गाहरू ।

०००
रामेछाप, हाल भक्तपुर