नेपाली हास्यव्यङ्ग्य अनलाइन पत्रिका

अमर सन्तति :

१.
सत्ता फेर्न पनि परमादेश चाहिन्छ
बचन बात फेर्न पनि सन्देश चाहिन्छ
उच्च दास मनोवृत्ति छ मेरो मालीमा ,
उसलाई सास फेर्न पनि आदेश चाहिन्छ ।

२.
कति ठान्छौ बहादुर आफैँलाई आँटी ?
कति मान्छौ बुद्धिमान आफैँलाई खाँटी ?
हाँसो पनि पैँचो लिई खाइ झूठो कसम,
कति बाँच्छौ अझै पनि आफैँलाई ढाँटी ?

३.
हात जोड्दै लगाउँछन् जी हजुरीका ताजहरू
अरु बिगारी बनाउँछन् आफ्नो काम काजहरू
जत्रो भाँडो पनि रित्याउन राख्ने ठूलो हैसियत
चम्चाहरू नै यहाँ रमाउँछन् छोपी घिनलाजहरू ।

०००
रामेछाप, हाल भक्तपुर