नेपाली हास्यव्यङ्ग्य अनलाइन पत्रिका

अमर अधिकारी :

गायक१ः थाहा छ ब्रो ? मेरो गीत त भाइरल भयो नि !
गायक२ः के अचम्म भयो र ? मेरो त झन दाइरल नै भैसक्यो ।

राजुः आम्मामा ! कति ठूलो मोबाइल हो, कहाँ किन्यौ ?
रामुः कहाँ मोबाइल हुनु ? चारकुने तावा हो असनबाट किनेर ल्याएको ।

आगन्तुकः भट्टराईको घर कुन होला ?
टोलबासीः भट्ट र राई थरका दुई घरका त हुनुहुन्छ । भट्टराई चाहिँ थाहा भएन।

डाक्टरः लामो सास फेर्नुस् त !
विरामीः फिटले नापेर कि मिटरले डाक्टरसाब ?

पसलेः झण्डै नचिनेको, मास्क नलगाई आउनुभारहेछ !
ग्राहकः साहुजी पनि अचम्मको हुनुहुँदोरहेछ, मास्क लगाएपछि मात्र चिन्ने ।

०००
बुढानिलकण्ठ, काठमाडौं ।