नेपाली हास्यव्यङ्ग्य अनलाइन पत्रिका

भोजराज रेग्मी ‘मुखाले’ :

१.
जीवन भन्नु विश्वास र भ्रमको पुल रैछ
आफैलाई ढाँटी हाँस्ने अप्रिल फुल रैछ
लामखुट्टेलाई सरापेरै रात बिताउनेलाई
के थाहा र अन्तर्घाती त पापी झुल रैछ ।

२.
मनमा कताकती टाँसिएका लाजशरम खुर्केर फाल्दैछु
गतिछाडाहरूको आइपिओ मा म पनि शेयर हाल्दैछु
न अल्मल्याओ है छौँडाछौँडी हो मलाई फुर्सद छैन,
म त बाध्यताले लोकतन्त्रको खोरमा नकचराहरू पाल्दैछु ।

३.
चुकुल बिग्य्रा चर्पीभित्र सुसेल्दासुसेल्दै गायक भइएछ
टिकटकमा नखरा पार्दापार्दै नायक भइएछ
गर्नै नहुने काम गर्दागर्दै राष्ट्रिय डन घोषित भएपछी
महापुरुषहरूले मनपराउने लायक भइएछ ।

०००
पेप्सीकोला