नेपाली हास्यव्यङ्ग्य अनलाइन पत्रिका

अमर सन्तति :

१.
सिद्धान्त नारा पराइले रटाइदियो
परिवर्तन धारा पराइले पठाइदियो
भन्छौ तिमी, भन अब के गर्यौ आफूले ?
अँध्यारो सारा पराइले हटाइदियो ।

२.
सधैँ सफल हुनुहुन्छ, कहाँ छ चुकेको ?
धरहराझैँ उभिनुहुन्छ, कहाँ छ झुकेको ?
बाँध्नु भएको थियो पट्टी आँखामा साउनैमा,
सबै हरियो देख्नुहुन्छ, कहाँ छ सुकेको ?

३.
सुन्दर गाउँघर रित्तिएको हेर्न भ्युटावर बनाउनुस्
कर्णाली तुइनमा झुण्डिएको हेर्न भ्युटावर बनाउनुस्
देशमा रोजगारीले तीब्र छलाङ्ग मारेपछि महोदय,
युवा देशबाट निख्रिएको हेर्न भ्युटावर बनाउनुस् ।

०००
भक्तपुर