नेपाली हास्यव्यङ्ग्य अनलाइन पत्रिका

अमर सन्तति :

१.
छिमेकीले विष पठाओस् कि शिरमा किचोस्
हाम्रो खोला लैजाओस् कि गलामा थिचोस्
चाहिएको त कुर्सी रहेछ, देशको छैन चिन्ता ?
साँढे बनी घर भत्काओस् कि सीमा मिचोस् ।

२.
बोली बचनमा तिनै मधुर बनेर आए
स्वार्थीपनमा तिनै चतुर बनेर आए
चढायौँ काँध गरी भरोसा र विश्वास ,
हाम्रो जीवनमा तिनै भष्मासुर बनेर आए ।

३.
पटमूर्ख र बज्रस्वाँठको जितले चलाएर हो
अन्धभक्त हुक्के झोलेको रीतले चलाएर हो
देशको भलो गर्ने मान्छेले सधैँ दु:ख पाएको देख्दा,
देश सतीले सरापेको होइन, पतीतले चलाएर हो ।

०००
भक्तपुर