नेपाली हास्यव्यङ्ग्य अनलाइन पत्रिका

रमेश समर्थन :

१.
साेच त एउटा काेण हाे, जुन फरक पनि हुन सक्छ
त्याे वस्तुपरक नभएर कल्पनापरक पनि हुन सक्छ
हाम्राे सेताे अर्काका लागि कालाे वा रङ्गीन हाेला
हाम्राे याे धर्ती कुनै लाेककाे नरक पनि हुन सक्छ ।

२.
जब बेफ्वाँकमा आफ्नाे मान्छे रिसाउँछ
अनि पराईले माैका छाेप्छ र गिज्याउँछ
खाली खुट्टा चुच्चे ढुङ्गामा टेक्दाभन्दा पनि
जुत्ताभित्रकाे बालुवाले बढी बिझाउँछ ।

३.
आफ्नाे मूल्य बुझेँ मैले जिन्दगीमा अरूबाट
प्रशंसकहरूभन्दा निन्दा गर्नेहरूबाट
नढलुन्जेल ढाल्नेलाई पनि छाया दिने गर्छ
उदारता कस्ताे हुन्छ बुझेकाे छु तरुबाट ।

०००
रूपन्देही