नेपाली हास्यव्यङ्ग्य अनलाइन पत्रिका

बालकृष्ण खनाल :

ठोक्तक (१)
भोलि अचम्मको समाचार आउन सक्छ
पैसा वालाले पत्रकार पठाउन सक्छ
पैसा छ भने एजेन्ट र भोटर किनेर
चोरले पनि त सरकार बनाउन सक्छ ।

ठोक्तक(२)
नपत्याउने खोलाले बगाउन सक्छ
दोषीले निर्दोषलाई फसाउन सक्छ
चोरको पनि चाकरी गर भाइ बहिनी हो
ऊ पनि कुनैदिन सरकारमा आउन सक्छ ।

ठोक्तक (३)
यो युग प्रविधिको हो जे पनि हुनसक्छ
ए आईको प्रयाेगले बाघ पनि दुनसक्छ
भ्रष्टचारीले बाहिर खुसीझै देखिए पनि
पाप गरेको सम्झेर भित्री मन सधै रुनसक्छ ।

०००
टिकापुर, कैलाली