नेपाली हास्यव्यङ्ग्य अनलाइन पत्रिका

धनराज गिरी :

के हो चाह हजुर बाको ? सम्मान मीठो बोली !
आदर गरी राख्यो कुरा भरिदिने झोली !

कोही कोही दुर्वासाजी हुने अपवाद !
रिसाउने अनाहकमा खाने नाता पोली !

देह रोगी मनले जोगी भए तनाव हुने !
च्याठ्ठिने छन् यस्ता पाका अवसादे टोली !

पितामह बढी दानी दिन खोज्ने ज्ञान !!
स्नेहको सागर आहा माया गर्ने घोली !

मेरो यही अनुभूति पाकाहरू सज्जन !
खारिएका अनुभवले भोगी अनेक होली !

कुरा सुन्ने बूढाको हो आगो ताप्ने केको ?
सिकेको हो मूढा भनी कसो दाजी ओली ?

खुसी भए बूढापाका हुने चमत्कार !!
तीनै लोक सुम्पिदिने हृदय नै खोली !

०००
चितवन