नेपाली हास्यव्यङ्ग्य अनलाइन पत्रिका

बिके माकजू :

उमेर असी
काम गर्छ सकेको
खाँदैन बसी ।१

नसके अरू
वृद्धले कुर्छ घर
आँगन बरु ।२

हेप्छ वृद्ध जो
पर्छ पक्कै नरक
हेप्ने मान्छे त्यो ।३

झर्को नमान
वृद्ध मानिस छन् जो
देवता ठान ।४

वृद्धको श्राप
नखानु है कसैले
लाग्दछ पाप ।५

बूढाबूढी त्यो
छोई जुठो होइन
शुद्धशुद्धी पो ।६

वृद्ध हुन्न को ?
बूढाबूढी नहुने
छिटो मर्छ पो ।७

वृद्ध महान
तिनैबाट जन्मेका
हामी जहान । ८

वृद्ध धाम हो
ख्रिष्ट अल्ला गौतम
वृद्ध राम हो ।९

ढोग चरण
वृद्धजन सबैमा
छ है नमन ।१०

०००
भक्तपुर