नेपाली हास्यव्यङ्ग्य अनलाइन पत्रिका

राजेन्द्रकुमार बज्राचार्य :

वृद्धाको जब चाहना सकलको, होओस् सदा सुन्दर ।
इच्छा पूर्ति हुँदा जहाँ सब घडी, भागोस् कतै हण्डर ॥
लागोस् राज्य गरी उपाय पथमा, पूरा गरे जातक ।
वृद्धाको प्रति धारणा मनुजमा, छोडोस् सकारात्मक ॥३२॥

श्रद्धाले जब वृद्धि हुन्छ वयको, आस्था रहेको घर ।
होस् सन्तोष यहाँ हियोपरकको, आशा ठडेको वर ॥
आहा ! पीपल वायुको शमनले, घुम्दा भए प्रापक ।
वृद्धाको प्रति धारणा मनुजमा, छोडोस् सकारात्मक ॥३३॥

घुम्दा वाग सदैव साथ छ युवा, फुल्दै रहे फूलझैँ ।
आँखाभित्र बिझेर वृद्ध अब ता, होला जहाँ भूलझैँ ॥
बिर्सौं लाख प्रताड ती भुवनका, संसारका पालक ।
वृद्धाको प्रति धारणा मनुजमा, छोडोस् सकारात्मक ॥३४॥

वृद्धाबाट सिकाइ हुन्छ अब ता, ती ज्ञान ओैं कर्मका ।
वृद्धाबाट उपाय ज्ञान सबका, आचार ती धर्मका ॥
केके हुन्छ गरे यहाँ अवनिमा, के हुन्न ती चारक ?
वृद्धाको प्रति धारणा मनुजमा, छोडोस् सकारात्मक ॥३५॥

गाली गर्नु रहे यहाँ मनुजमा, त्यो पापकाे भार हो ।
हो सन्मान गरेर अग्रज जहाँ, हो जिन्दगी सार त्यो ॥
छाडोस् मार्ग हरेक न्यायपनको, होस् मार्ग वृद्धा बक ।
वृद्धाको प्रति धारणा मनुजमा, छोडोस् सकारात्मक ॥३६॥

०००
काठमाडाैं