नेपाली हास्यव्यङ्ग्य अनलाइन पत्रिका

राजेन्द्रकुमार बज्राचार्य :

सजाऔँ छातीमा सब रहरका जीवन कथा ।
बुझौँ आमा बाबासँग कहरका अन्तर व्यथा ॥
सहे पीडा सारा अनलस निको आदर गरौँ ।
बुबाका आमाका अनुभव सिकी सक्षम बनौँ॥
॥१॥

कमाई राशी ती धन मननका आखिर प्रथा ।
समाई सारा ती घर वतनका दाखिल विधा॥
जमाई राखेका सब नियममा सामिल रहौँ ।
बुबाका आमाका अनुभव सिकी सक्षम बनौँ॥
॥२ ॥

सिकौँ पुर्खाका ती शुभ वरणका ज्ञान सब ती ।
जितौँ सारा आशा हृदयतलका काख जननी॥
दिई माया छाया हरप्रहरमा सुस्थिर बसौँ ।
बुबाका आमाका अनुभव सिकी सक्षम बनौँ ॥
॥ ३॥

तिनैका आत्मालेअनुचरित छन् ज्ञान सबल ।
असाध्यै मीठा छन् हरवचन ती आर्जित फल॥
बचाई राखौँ ती सब मननले स्थावर रचौँ ।
बुबाका आमाका अनुभव सिकी सक्षम बनौँ॥
॥ ४॥

भनूँ मर्यादामा दिनदिन तिनै सत्य वशमा ।
उतारूँ छन् पीडा मनमुटु कतै खोजबिनमा॥
भवानी दुर्गाझैँ अनवरत छन् प्रेरक बुझौँ।
बुबाका आमाका अनुभव सिकी सक्षम बनौँ॥
॥ ५॥

०००
काठमाडाैं
मिति:- २०८३/०४/१७