नेपाली हास्यव्यङ्ग्य अनलाइन पत्रिका

राजेन्द्रकुमार बज्राचार्य :

जति गरौँ शुभका सब कर्मले ।
मति भरौँ भवका अब धर्मले ॥
प्रण गरौँ प्रभुमा मन शुद्धको ।
विगतकै छ सिको अझ वृद्धको ॥१॥

जब भयौँ जगमा नर जातले ।
भव रह्यो मदमा चर साथले ॥
किन भयो रसको चुर तृप्तको ।
विगतकै छ सिको अझ वृद्धको ॥२॥

प्रणयको मदमा न त होस छ ।
विनयको गडमा अब जोस छ ॥
रसदमा जमिए लयबद्धको ।
विगतकै छ सिको अझ वृद्धको ॥३॥

प्रभु भए जगको सब चालक ।
विभु रहोस् नरको अब पालक ॥
सुख रहोस् भ्रमले अवरुद्धको ।
विगतकै छ सिको अझ वृद्धको ॥४॥

शमन होस् मनको अब शान्तिले ।
रमन होस् भवको सब कान्तिले ॥
नमन होस् जगको जब क्रुद्धको ।
विगतकै छ सिको अझ वृद्धको ॥५॥

०००
काठमाडौं