मरुभूमि नारायणदलालहरु एकै ठाउँमा
जनता पनि मरेकै छन् जिउँदो देख्दिनँ सर्वत्र राक्षसी रजौटाले छाए साथी हो ।
मरुभूमि नारायण :
दलालहरु एकै ठाउँमा आए साथी हो
जिउँदो मान्छे यिनैले बचाए साथी ही ।
जो विदेशीकै हितमा काम गरिरहन्छ
तिनैले ताला चाबी समाए साथी हो ।
जसको हृदयमा नेपाल छैन तिनैले नै
यो देश बनाउँने कृया खाए साथी हो ।
आकाशको जून तारा यिनैले झार्छन्
देशका माटो यिनैले पचाए साथी हो ।
विदेशीले पाल्ने रहेछ कुकुर बिरालो
हेर्दा हेर्दै बाध भालु उदाए साथी हो ।
मख्ख नपर भेडा जनता नम्र बोलीमा
यिनले त थुनमै मुख लगाए साथी हो ।
जनता पनि मरेकै छन् जिउँदो देख्दिनँ
सर्वत्र राक्षसी रजौटाले छाए साथी हो ।
०००
तनहुँ
Subscribe
Login
0 Comments
Oldest
