नेपाली हास्यव्यङ्ग्य अनलाइन पत्रिका

कविराज घिमिरे :

सँगै छ नाता मनको बियाड जो
छ खेतबारी उनकै विशाल यो
प्रफुल्ल पार्ने सुत छन् उनी यहाँ
नसम्झ सासू किन बन्दिनन् मुमा ? १

सफेद आफैँ मलभित्र हुन्छ र ?
छ चाह पारुन् घरबार सुन्दर
सिकाउँदै छिन् हररोज ठाउँमा
नसम्झ सासू किन बन्दिनन् मुमा ? २

छ सोच चोखो बलवान् विचार छ
अतीव प्यारी उनको प्रचार छ
भलो हुने मात्र छ कर्म चौगुना
नसम्झ सासू किन बन्दिनन् मुमा ? ३

हरेक सासू सुखदुःख बाँड्दछन्
प्रमोह फ्याँक्ने वन झार फाँड्दछन्
सशक्त वृद्धाकन लौ परे चुना
नसम्झ सासू किन बन्दिनन् मुमा ? ४

बनेर प्यारा जति नातिनातिना
सँगै बसेका कलिला हिया मुना
मिलेर माया ममता हुने उमा
नसम्झ सासू किन बन्दिनन् मुमा ?

०००
(भक्तपुर बुढ्यौली सा.स.मा अभ्यास)