दुष्यन्त भट्टराईहोस् वृद्ध बेला सुखको निसान
छोरा र छोरी बुझ यत्तिमात्र आफै कहाँ हुन्छ र को सुपात्र हामी सबै हौँ उनकै लगान होस् वृद्ध बेला सुखको निसान ।
दुष्यन्त भट्टराई :
तारा खसाएर दिँदैन कोही
प्यासी बनाएर दिँदैन मोही
भन्ने नहुन् साथ हुने जहान
होस् वृद्ध बेला सुखको निसान ।१।
जो जिन्दगी कर्म गरी रमाए
पीडा सहे दु:ख गरी कमाए
हुन् ती भनेका घरका दलान
होस् वृद्ध बेला सुखको निसान ।२।
सन्तानका निम्ति भविष्य देख्ने
वैरी कतै छेउ परे लखेट्ने
आमा बुवा हुन् परिवार मान
होस् वृद्ध बेला सुखको निसान ।३।
सद्भाव संस्कार सदैव घोल्ने
दुर्भाव दुष्कर्म सदैव पोल्ने
सन्ताननै हुन् यिनका बगान
होस् वृद्ध बेला सुखको निसान ।४।
छोरा र छोरी बुझ यत्तिमात्र
आफै कहाँ हुन्छ र को सुपात्र
हामी सबै हौँ उनकै लगान
होस् वृद्ध बेला सुखको निसान ।५।
०००
मेचीनगर, झापा
Subscribe
Login
0 Comments
Oldest
