नेपाली हास्यव्यङ्ग्य अनलाइन पत्रिका

टीकाराम जोशी :

बिजुलीको खम्बानिर उनीहरु रोकिए अनि भैलो खेलेर उठेको रकम बाँड्ने सल्लाह गरे । भुइँमा रुमाल राखेर उनले त्यसमाथि झोलाको रकम खन्याए ।

“के रहेछ त्यो ?” बेरिएको कागजतिर इसारा गर्दै पुष्पाले सोधी।सबैको नजर अब पाँच दसको नोटतिर नभई त्यस वस्तुतिरै थियो । जब निमाले त्यस बेरिएको कागजलाई सिधा बनाउन थालिन् तब कुनै जनावरको अस्पष्ट चित्र बन्दै गयो ।

उनीहरू सबैका आँखा आश्चर्यले फैलिए ।
उनीहरूले जे सोचिरहेका थिए त्यही उनीहरूले देखिरहेका थिए ।

“हजारको नोट !” निमाले हातमा नोट नचाउँदै भनी ।
एकाएक त्यहाँ खुसीको छाल चरम सीमामा पुग्यो ।

“टाउको नभएको हाथी !” पुष्पाले नोट नियाल्दै भनी ।

“हात थाप्ने बेला राम्रोसँग विचार गर्नु पर्ने । कस्तो रहेछ …?” तातो बहस जारी भयो ।

०००
टीकापुर