नेपाली हास्यव्यङ्ग्य अनलाइन पत्रिका

टीकाराम जोशी :

“जा, तँ अबदेखि स्वतन्त्र भइस् ।” उसले पिँजडाको ढोका खोलि दियो र भन्यो, “अब स्वच्छन्द उडान गर । यो आकाश तेरा लागि खुला भयो ।”
सुगा पिँजडाभित्रै छटपटायो ।
उसले पिँजडाभित्र हात छिरायो ।
सुगाले उसको हातमा टोक्यो ।

“बाहिरको दुनियाँले तिमीलाई स्वागत गर्ने छ । आउ, नडराउ ।” उसले हात बाहिर झिकेर भन्यो ।

पर उता बार्दलीमा बिरालाले पुच्छर हल्लायो र कुकुरले टाउको ठाडो गर्‍यो ।
तिमी किन बाहिर जान चाहँदैनौ ? उसले सोध्यो ।

“तिमीले सिकाएको बोलीले हराएको मेरो पहिचान फर्काउ न त ।” सुगाले भन्यो ।

०००
टीकापुर ।