नेपाली हास्यव्यङ्ग्य अनलाइन पत्रिका

टीकाराम जोशी :

“आखिर जे भएपनि भवन तयार भो । धन्यवाद छ तपाईंलाई ।” रामबहादुरले श्यामबहादुरलाई भन्यो ।
“मैले माननीयज्यूलाई भनेर बजेट हाल्न नलगाएको भए त बन्ने नै थिएन ।” श्यामबहादुरले छाती चौडा गर्दै भने ।
“त्यो त मेरै पालामा निणर्य भएको कुरा हो नि । तपाईंले भनेर आएको बजेट हो र ।” जितबहादुरले चर्को स्वर लगाए ।
“माननीय दाइलाई मैले आफैँ यहाँ ल्याएको हुँ । तपाईंहरूले भनेर यहाँ आउँछन् दाइ ? ‘लङ्का जलावै हनुमान, पगडी बाँधे ढेडु’ कुरा गर्छन् ।” रामबहादुरले ब्रम्हास्त्र हान्यो ।

दुवैजना मुर्छा परेझैँ भए ।
“हामीलाई पनि थाहा छ नि कस्ले के के गर्‍या छ भनेर । हामीसँग एक एक हिसाब छ । बढी फुर्ती नलाए हुन्छ ।” एकछिनपछि श्यामबहादुर कुर्लिए ।
प्रवेशद्वारमा रहेको उद्घाटनको शिलालेखमा जितबहादुरले हँथौडाले हिर्काउँदै भने ।
“आफ्नै खल्तिबाट बजेट हालेको हो र ?”

०००
इमाडोल